Caixanova regálanos un vídeo do VIII Torneo Internacional Caixanova de Minibásquet "25 Anos en Coia, Núcleo de Baloncesto en Vigo" organizado os pasados 15 e 16 de marzo do 2008 polo Club Baloncesto Seis do Nadal - Coia.
Desde o Club Baloncesto Seis do Nadal - Coia queremos agradecer o apoio e a colaboración de Caixanova coa nosa entidade, e máis concretamente, co Torneo Internacional de Minibásquet que este ano vivía a súa oitava edición.
O Club Baloncesto Seis do Nadal - Coia é o organizador do VIII Torneo Internacional de Minibásquet 2008, unha cita deportiva que se celebrará os días 15 e 16 de marzo, co patrocinio de Caixanova.
A cita foi presentada na mañá do pasado martes 13 de marzo no Centro Cultural Caixanova, arroupada polo Director de Publicidade da entidade patrocinadora, Jorge Santos; o Presidente do club anfitrión, Jesús Outeiral; a súa Vicepresidenta, Mar Lago; o Director Deportivo do Seis do Nadal, Sergio González; e Aalí Mohamed, Presidente de Honra do Club.
Os poñentes, nas súas alocucións, manifestaron o impulso que torneos como o organizado polo noso club, supoñen como apoio fundamental ao deporte base. Nesta liña, Jorge Santos manifestaba o seu “público recoñecemento á labor do Club Baloncesto Seis do Nadal -Coia, polo seu número de licencias e pola promoción que fai do baloncesto”. Pola súa parte, Jesús Outeiral, agradeceu o apoio de institucións como Caixanova, “que valoran e estiman o deporte dos máis pequenos”.
Cunha traxectoria de sete anos, a experiencia é unha das grandes bazas adquiridas ao longo deste tempo. Desde que o torneo internacional comezou a rodar no ano 2001 cunha decena de equipos participantes, a metade en categoría masculina e a outra en feminina, o índice de participación foi subindo paulatinamente, coa prudencia necesaria para ir configurando un evento deportivo nas sempre delicadas categorías inferiores.
Nesta nova edición do torneo que se celebrará nesta fin de semana do 15 e 16 de marzo, doce serán os equipos que se enfrontarán nas canchas do Pavillón Municipal de Coia, no propio Colexio Seis do Nadal e no Colexio Eijo Garay. Os clubs convocados para esta fin de semana son, en categoría feminina, os equipos "A" e "B" do Seis do Nadal, Canteiras de Porriño, Maristas Celta de Vigo, Club Baloncesto Arxil de Pontevedra e G.D. Gafanha de Portugal. En categoría masculina estarán representados os clubs Marín Peixe Galego, Canteiras de Porriño, os portugueses do G.D. Gafanha e Juventude Pacense, e os equipos "A" e "B" do anfitrión Seis do Nadal.
O volume de participación alcanza máis de 150 xogadores e xogadoras, con 22 encontros que se disputarán na súa totalidade entre as dúas xornadas de sábado e domingo. A organización acompaña o Torneo Internacional coa celebración de actos paralelos que activan a dinámica do encontro en Coia, con competicións nas que se pon a proba a destreza dos xogadores, con eliminatorias de tiro libre, comidas de convivencia e un enriquecedor programa de acollida, onde as deportistas e os xogadores portugueses residen nos fogares e casas dos propios xogadores e xogadoras do Club Baloncesto Seis do Nadal - Coia.
A empresa Bernardo Alfageme Miau colaborará co VIII Torneo Internacional Caixanova de Minibásquet "25 Anos en Coia, Núcleo de Baloncesto en Vigo" que se celebrará a fin de semana do 15 e 16 de marzo.
Esta nova edición do Torneo Internacional de Minibásquet terá un novo apoio despois de que a empresa Bernardo Alfageme Miau e o Club Baloncesto Seis do Nadal - Coia chegaran a un acordo de colaboración.
Xa están dispoñibles os calendarios e o regulamento de xogo do VIII Torneo Internacional Caixanova de Minibásquet "25 Anos en Coia, Núcleo de Baloncesto en Vigo" que se celebrará os próximos días 15 e 16 de marzo. Podedes consultar os documentos pulsando nos enlaces ou no apartado de descargas deste espacio web.
Xa está todo preparado para o VIII Torneo Internacional Caixanova de Minibásquet "25 Anos en Coia, Núcleo de Baloncesto en Vigo" organizado polo Club Baloncesto Seis do Nadal - Coia no ano no que se celebra o seu 25 Aniversario.
Este torneo se celebrará na fin de semana do 15 e 16 de marzo. O sábado 15 terá lugar o torneo de categoría feminina nas instalacións do Colexio Seis do Nadal, do Colexio Garay e do Pavillón Municipal de Coia, e o domingo 16 terá lugar o torneo de categoría masculina no Pavillón Municipal de Coia.
Os equipos que participarán no torneo de categoría feminina serán: Seis do Nadal "A", Seis do Nadal ""B", G.D. Gafanha (Portugal), Canteiras Porriño (Porriño), Real Club Celta (Vigo) e C.B. Arxil (Pontevedra). En categoría masculina os equipos participantes son: Seis do Nadal "A", Seis do Nadal "B", G.D. Gafanha (Portugal), Canteiras Porriño (Porriño), Marín Peixegalego (Marín) e Juventude Pacense (Portugal).
Nas próximas semanas aparecerá nesta web máis información sobre os grupos, os calendarios, o reglamento do torneo, os concursos, o III Torneo Internacional Benxamín, as actividades paralelas e moitas outras novidades e sorpresas desta nova edición do Torneo Internacional Caixanova de Minibásquet 2008.
Cada ano, no calendario do Club Baloncesto Seis do Nadal - Coia hai unha data marcada sobre as demais: as vacacións de Semana Santa; é nesta época cando ten lugar o noso Torneo Internacional de Minibásquet de categoría alevín.
Despois de sete anos organizando este torneo, o traballo do Club Baloncesto Seis do Nadal - Coia conseguiu que este torneo se proclamase como unha das iniciativas máis interesantes do noso contorno; un gran torneo de categoría minibásquet onde se reúnen algunhas das mellores escuadras de formación de toda Galicia, e xunto a elas equipos procedentes de clubes e entidades de Portugal que desde a primeira edición nos apoian e participan no noso torneo.
Seguindo a tradición este ano 2008 a entidade organizará o VIII Torneo Internacional Caixanova de Minibásquet "25 Anos en Coia, Núcleo de Baloncesto en Vigo" os días 15 e 16 de marzo do 2008. Neste torneo participarán equipos en idade alevín de toda Galicia e participarán tamén, por primeira vez no torneo, dous equipos de Portugal.
Ademáis de xeito paralelo a este gran torneo, o Club Baloncesto Seis do Nadal - Coia organizará o III Torneo Internacional Benxamín Caixanova de Minibásquet "25 Anos en Coia, Núcleo de Baloncesto en Vigo" para os máis pequenos e pequenas.
Cada ano desexamos que a fin de semana das pequenas estrelas cumpra as expectativas de todos, que os rapaces e rapazas volvan do torneo cargados de ilusión para afrontar as próximas experiencias no deporte e, se todo vai ben, que se poida volver a repetir experiencia cada ano nun evento cada vez mellor.
.GIF)